მეშვიდე მიკრორაიონის N19 კორპუსთან საგზაო სამუშაოები მიმდინარეობს

2021-03-27 16:20:26, 652 ნახვა

საზოგადოება

გლდანის რაიონის გამგეობა ინფრასტრუქტურულ სამუშაოებს აქტიურად განაგრძობს. მიმდინარეობს როგორც კაპიტალური, ასევე, შიდა ეზოს მოწყობის სამუშაოები.

შიდა ეზოს მოწესრიგება გლდანის მეშვიდე მიკრორაიონის N19 კორპუსის მიმდებარედ ხორციელდება. საგზაო სამუშაოების ფარგლებში, 900 კვადრატულ მეტრამდე ფართობზე ასფალტის საფარი დაიგება და მოეწყობა ბორდიური. აღნიშნულ მისამართზე გასულ წელს გამგეობის ბინათმესაკუთრეთა ამხანაგობის განვითარების ხელშეწყობის პროგრამით, წითელ ხაზებში არსებულ წყალარინების ქსელს რეაბილიტაცია ჩაუტარდა, წელს კი საგზაო სამუშაოები მიმდინარეობს.

პროექტისთვის, რომელსაც გლდანის რაიონის გამგეობის დაკვეთით, ტენდერში გამარჯვებული კომპანია ახორციელებს, 41 144 ლარამდე დაიხარჯება.

ამასთან, გზის შეკეთების სამუშაოები მეშვიდე მიკრორაიონის N23 კორპუსთანაც მიმდინარეობს.

ორივე მისამართზე მიმდინარე პროცესს გლდანის რაიონის გამგებელი ლევან ნაროუშვილი მოადგილესთან ერთად გაეცნო.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),