ჯანდაცვის მინისტრის ეკატერინე ტიკარაძის განცხადებით, Pfizer-ის ვაქცინის 29 500 დოზა 14 ათას პირზე გადანაწილდება.

როგორც ეკატერინე ტიკარაძემ მთავრობის სხდომის დასრულების შემდეგ, ბრიფინგზე განმარტა, საკოორდინაციო საბჭომ მიიღო გადაწყვეტილება და ვაქცინის დოზების გაყოფა არ მოხდება.

მანვე დასძინა, რომ Pfizer-ის ვაქცინა გადანაწილებული იქნება 3 დიდი ქალაქის, კერძოდ, ბათუმის, ქუთაისისა და თბილისის, 6 კლინიკაში.

„როგორც იქნა, „ფაიზერის“ ვაქცინა საქართველოშია. დოზა შემოვიდა უცვლელი, ის რაოდენობა, რომელსაც ველოდით, 29 500 ცალი. ეს დოზები იქნება გამოყენებული 14 000 პირისთვის. გამომდინარე იქიდან, რომ „ფაიზერით“ ვაქცინაციის პერიოდით განსაზღვრულია 3-4 კვირის შემდეგ მეორე დოზის გაკეთება, ჩვენ მივიღეთ გადაწყვეტილება, რომ ამ დოზების გაყოფა მოხდება და არ მოხდება, როგორც „ასტრაზენეკას“ შემთხვევაში, მეორე ნაკადზე დალოდება და შესაბამისად, ჩვენ მოქალაქეებს რისკი არ შეექმნებათ.

ეს ვაქცინა გადანაწილებული იქნება 3 დიდ ქალაქში, 6  კლინიკაში, ერთი კლინიკა ბათუმში, ერთი ქუთაისში და 4 თბილისში, თბილისის კლინიკებია: ბოკერიას კლინიკა, რესპუბლიკური საავადმყოფო, ამტელის კლინიკა და კავკასიის მედიცინის ცენტრი, ბათუმში რესპუბლიკური საავადმყოფო და ქუთაისში ცხაკაიას სახელობის ევექსის კლინიკა“, - განაცხადა ეკატერინე ტიკარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს