2021-03-22 15:13:02, 737 ნახვა
პოლიტიკა
27 წლის ექთნის გარდაცვალების საქმეზე რეგულირების სააგენტოს დასკვნა მიმდინარე კვირაში გახდება ცნობილი
27 წლის ექთნის გარდაცვალების საქმეზე რეგულირების სააგენტოს შუალედური დასკვნა მიმდინარე კვირაში გახდება ცნობილი, - ამის შესახებ ჯანდაცვის მინისტრმა, ეკატერინე ტიკარაძემ განაცხადა.
ეკატერინე ტიკარაძის თქმით, დაწესებულებაში, სადაც ექთანი მკურნალობდა უზრუნველყოფილი იყო ყველა საჭირო დახმარება.
„არაერთხელ აღვნიშნე, რომ ეს ადამიანი იმყოფებოდა დაწესებულებაში, რომელსაც გააჩნია რეანიმაციული განყოფილება. შესაბამისად, იქ მისთვის უზრუნველყოფილი იყო ყველა ის საჭირო დახმარება, რომელიც მას იმ ეტაპისთვის ესაჭიროებოდა. როგორც კი რეგულირების სააგენტო დადებს შუალედურ დასკვნას, მისი ხელმძღვანელი გააკეთებს განცხადებას, ამ კვირაში იქნება", - განაცხადა ეკატერინე ტიკარაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
