სხვა ალტერნატივა, რომ ქვეყანაში იმუნიზაცია არ გაგრძელდეს, არ არის, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ჯანდაცვის სამინისტროში გამართულ ბრიფინგზე განაცხადა.

მისი თქმით, კოვიდის დასრულება იმუნიზაციის პროცესის 70%-მდე ასვლის გარეშე ვერ მოხდება.

„სანამ იმუნიზაციის პროცესი არ გაჯერდება და არ ჩამოყალიბდება 60-70%-იანი ფენა, მანამდე კოვიდის დასრულება ვერ იქნება. გუშინ ძალიან რთული იყო მსჯელობა საბჭოზე, შეჩერდეს თუ გაგრძელდეს იმუნიზაცია. შეჩერება ყოველთვის ადვილია, მაგრამ მერე რას ვეუბნებით იმ ადამიანებს?

მე ხაზგასმით აღვნიშნავ, რომ ძალიან მძიმეა ყველასთვის, განსაკუთრებით მეგის ოჯახის წევრებისთვის, მაგრამ სხვა ალტერნატივა, რომ ქვეყანაში იმუნიზაცია არ გაგრძელდეს, არ არის, ის უნდა გაგრძელდეს. მინდა გთხოვოთ, რომ ფართოდ ჩაერთოთ ამ კამპანიაში, როგორც გუშინ მეგიმ მოუწოდა ხალხს, რომ ჩართულიყვნენ კამპანიაში და მეტი აცრილიყო. რაც მეტი აიცრება ქვეყანაში, მით უფრო დაზღვეული იქნება საზოგადოებას, რომ ახალი ფატალური შედეგები არ გვექნება“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს