მიმდინარე წელს, აჭარაში სერვისის გასაუმჯობესებლად რამდენიმე მნიშვნელოვანი პროექტის განხორციელება იგეგმება. მთიანაჭარაში სერვისის განვითარება ტურისტული ინფრასტრუქტურის განვითარებასთან ერთად  აჭარის ტურიზმის დეპარტამენტის 2021 წლის მთავარ პრიორიტეტს წარმოადგენს.  არსებული მდგომარეობის გათვალისწინებით, უწყება მთავარ აქცენტს ინდივიდუალური სატრენინგო პროგრამების, პრაქტიკული ვიდეოგაკვეთილების  მომზადებასა და სერვისის ონლაინპლატფორმის გაძლიერებაზე გააკეთებს.

წელს, პრიორიტეტული იქნება  სერვისის გაუმჯობესება მთიანაჭარაში, სადაც საოჯახო-სასტუმრო სახლების მეპატრონეებისთვის მათ საჭიროებებზე მორგებული, ინდივიდუალური ტრენინგებისა და მასტერკლასების ჩატარება იგეგმება. გიდებისა და ტურისტული სააგენტოების მხარდაჭერის მიზნით კი დეპარტამენტი ახალი პროექტების განხორციელებას აპირებს.

დეპარტამენტის მიერ დაგეგმილ ტრენინგებზე, სემინარებსა თუ მასტერკლასებზე დარეგისტრირება მსურველებს ონლაინ ახალ, ვებ-პლატფორმაზე შეეძლებათ, სადაც ტრენინგების განრიგთან ერთად ხელმისაწვდომი იქნება ყველა ვიდეოგაკვეთილი, სახელმძღვანელო თუ სატრენინგო მასალა, რასაც აჭარის ტურიზმის დეპარტამენტი სერვისის გაუმჯობესების მიზნით რეგიონში ანხორციელებს. ახალი ვებ-გვერდის პრეზენტაცია ტურისტული სექტორისთვის მარტის ბოლოს იგეგმება.  

ავტორი: NS (სტატია დაფინანსებულია),

სოციალური ქსელები

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს

ფეიქრიშვილზე ძალადობისთვის ყიფიანს, ბილანიშვილს და კიდევ 3 პირს აღკვეთის სახით პატიმრობა შეეფარდათ

ხაბეიშვილზე თავდასხმისათვის დაკავებულ ყოფილ ძალოვნებს 5-5 წლით პატიმრობა მიესაჯათ