ბათუმის საქალაქო სასამართლოში საზღვრის უკანონო კვეთის ბრალდებით დაკავებული უკრაინის ორი მოქალაქის პროცესი მიმდინარეობს

2021-03-12 12:03:34, 721 ნახვა

სამართალი

ბათუმის საქალაქო სასამართლოში საზღვრის უკანონო კვეთის ბრალდებით დაკავებული უკრაინის ორი მოქალაქის პროცესი მიმდინარეობს.

როგორც ბრალდებულთა ადვოკატი მედიასთან აცხადებს, არანაირი მტკიცებულება არ არსებობს ბრალდებულების წინააღმდეგ. უფლებადამცველის თქმით, ტერიტორიულ წყლებში მშვიდობიანად გავლის უფლება ნებისმიერ არასამხედრო გემს აქვს.

„ბრალდების მხარე წარმოადგენს მოწმეებს, ამ მოწმეების ჩვენებით არ დგინდება დანაშაული, მოწმეებმა თავად ჩაიდინეს დანაშაული, ეს არიან სასაზღვრო პოლიციის ის თანამშრომლები, რომლებმაც უკანონოდ მრავალი საათის განმავლობაში დაატყვევეს სამი პირი, ყოველგვარი საპროცესო უფლებების განმარტებით. შეუძლებელია ამ საქმეში რაიმე მტკიცებულება იქნეს გამოკვლეული რაც ბრალეულობაზე მიუთითებდეს, ტერიტორიულ წყლებში მშვიდობიანად გავლის უფლება აქვს ნებისმიერ არასამხედრო გემს“, - განაცხადა ადვოკატმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან