2021-03-10 15:20:41, 607 ნახვა
სამართალი
„ქართული ოცნების“ ცენტრალურ ოფისთან გამართულ აქციაზე პოლიციამ 6 პირი დააკავა
„ქართული ოცნების“ ცენტრალურ ოფისთან საპროტესტო აქციაზე პოლიციამ 6 პირი დააკავა.
როგორც „ექსპრესნიუსს“ შინაგან საქმეთა სამინისტროში განუცხადეს, ყველა მათგანი წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის მუხლითაა დაკავებული.
შეგახსენებთ, რომ „ქართული ოცნების“ ოფისთან, სადაც უმრავლესობის სხდომა მიმდინარეობდა, „ევროპული საქართველოს“ ახალგაზრდული ფრთის წარმომადგენლები და მოძრაობა „საქართველოსთვის“ წევრები აქციას მართავდნენ.
აქტივისტები „ქართული ოცნების“ ერთ-ერთი დეპუტატის ავტომობილს საპროტესტო ბანერით წინ გადაუდგნენ, რასაც სამართალდამცველებთან დაპირისპირება მოჰყვა.
ავტორი: ექსპრესნიუსი,
epn.ge (@expressnews.ge)
