პარტიებმა შეძლეს ერთად დასხდომა და წინადადებების წარდგენა, ყველა პარტია ადასტურებს რომ მზად არიან კომპრომისისთვის სამუშაოდ, - ამის შესახებ საქართველოში საფრანგეთის ელჩმა, დიეგო კალასმა ჟურნალისტებთან საუბრისას განაცხადა.

მისივე თქმით, ადამიანები, რომლებსაც საქართველოსთვის უკეთესი სურთ, აუცილებლად იპოვიან გამოსავალს, რათა ყველა შეთანხმდეს და ქვეყანამ წინ იაროს.

მანვე დასძინა, რომ საქართველოსთვის მნიშვნელოვანია ძალების გაერთიანება და სტრატეგიული პარტნიორები მზად არიან, რომ ქვეყანას მხარი დაუჭირონ.

„ვფიქრობ, ძალიან კარგი იყო რომ ევროპული საბჭოს პრეზიდენტი ეწვია საქართველოს, ეს იყო სასარგებლო ვიზიტი. ამან აჩვენა, რომ ევროპა ზრუნავს საქართველოზე და გვაღელვებს ამ ქვეყნის დემოკრატიული განვითარება. ახლა მიმდინარეობს მედიაციის პროცესი, კარგია, რომ პოლიტიკურმა პარტიებმა შეძლეს ერთად დასხდომა და წინადადებების წარდგენა. ყველა პარტია ადასტურებს, რომ მზად არის კომპრომისისთვის სამუშაოდ. იმედი მაქვს, წარმოდგენილი წინადებებიდან და იდეებიდან, რომელიც ბევრმა ორგანიზაციამ წარმოადგინა, ის ადამიანები, რომლებსაც სახელმწიფოსთვის უკეთესი სურთ, აუცილებლად იპოვიან გამოსავალს, რათა ყველა შეთანხმდეს და წინ წავიწიოთ. ბევრი გამოწვევა არსებობს მსოფლიოში და საქართველოს ნამდვილად სჭირდება მთელი ენერგიის ჩადება ამ გამოწვევების დასაძლევად. ჩვენ მზად ვართ ამ გზაზე საქართველოს მხარი დავუჭიროთ, ახლა საქართველოსთვის მნიშვნელოვანია ძალების გაერთიანება“, - განაცხადა დიეგო კალასმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აბუ დაბის პოლიციამ მერაბ დვალიშვილი და მოჭიდავე საბა ლაზაშვილიც დააკავა, რომებიც ჩასაფრების მსხვერპლები გახდნენ

აბუ-დაბის პოლიციამ მერაბ დვალიშვილზე თავდასხმის საქმეზე 10 ადამიანი დააკავა.

ჟურნალისტ გურამ როგავაზე თავდასხმის საქმეზე სპეცრაზმელს 5 წლით პატიმრობა მიუსაჯეს

საქართველოს ბანკისა და UN Women-ის ინიციატივით, ხელოვნური ინტელექტის ეპოქის შესაძლებლობებზე პანელური დისკუსია გაიმართა