2021-02-28 21:02:27, 535 ნახვა
პოლიტიკა
შარლ მიშელი საქართველოში ჩამოვიდა - დახვედრის ვიდეო
ევროპული საბჭოს პრეზიდენტი, შარლ მიშელი საქართველოში ჩამოვიდა.
ვიზიტის ფარგლებში ევროპული საბჭოს პრეზიდენტი შეხვედრებს გამართავს საქართველოს პრეზიდენტთან სალომე ზურაბიშვილთან, პრემიერ-მინისტრთან ირაკლი ღარიბაშვილთან და პარლამენტის თავმჯდომარესთან არჩილ თალაკვაძესთან. შარლ მიშელი, ასევე, შეხვდება პოლიტიკური პარტიების წარმომადგენლებს. გარდა ამისა, ევროპული საბჭოს პრეზიდენტი გაემგზავრება საოკუპაციო ხაზთან და ადგილზე გაეცნობა არსებულ ვითარებას. აღსანიშნავია, რომ დაგეგმილია შარლ მიშელის ვიზიტი მოლდოვასა და უკრაინაშიც. საქართველოს ვიცე-პრემიერის, საგარეო საქმეთა მინისტრის შეფასებით, აღნიშნული ვიზიტი ევროკავშირის მხრიდან საქართველოს, როგორც რეგიონში ევროკავშირის მნიშვნელოვანი პარტნიორის მხარდაჭერის გამოხატულებაა.
ავტორი: ექსპრესნიუსი,
epn.ge (@expressnews.ge)
