მედიამ და სამოქალაქო საზოგადოებამ ვახო სანაიას საქმესთან დაკავშირებით, ერთობლივი მანიფესტი წარადგინეს.

მანიფესტში საუბარია ბოლო დროს კრიტიკულად განწყობილ მედია საშუალებების წინააღმდეგ განხორციელებულ ფიზიკურ და სიტყვიერ თავდასხმაზე.

ხელმომწერნი მოუწოდებენ ხელისუფლებას, უზრუნველყონ ჟურნალისტების თავდასხმების სწრაფი გამოძიება და საზოგადოების ინფორმირება და შეწყვიტონ მედიის წინააღმდეგ წამოწყებული პოლიტიკურად მოტივირებული საქმეები.

„2020-21 წლებში საქართველოში მედია გარემო ძალიან დამძიმდა გახშირდა ჟურნალისტებზე სიტყვიერი და ფიზიკური თავდასხმები. საქართველო არ უზრუნველყოფს ჟურნალისტების უსაფრთხოებას. მმართველი პარტიის მაღალჩინოსნები სიძულვილის ენით აგრესიისა ნდა ბოიკოტით პასუხობენ მედიის კრიტიკულ კითხვებს. სახელმწიფო პროპაგანდის მანქანა კრიტიკულ მედიას პოლიტიკურ ოპონენტებად ნათლავს და მათ მიმართ შეუწყნარებლობას უწყობს ხელს. პოლიტიკურად პოლარიზებულ გარემოში მედიისადმი ასეთი დამოკიდებულება ახალისებს მორიგ თავდასხმებს. მიმდინარეობს პოლიტიკურად მოტივირებული სამართალწარმოება მედიის წარმომადგენლების წინააღმდეგ. მაუწყებლობის მარეგულირებელი ორგანი პოლიტიზირებულია და ცენზურის დაწესებას ცდილობს.

ჩვენ მედიისა და სამოქალაქო საზოგადოების წარმომადგენლები მოვუწოდებთ გადაწყვეტილების მიმღებ უმაღლესი რანგის პირებს საქართველოს პრემიერ-მინისტრს პარლამენტის წევრებს პარტია „ქართული ოცნების“ თავმჯდომარეს:

უზრუნველყონ ჟურნალისტების თავდასხმების სწრაფი გამოძიება და საზოგადოების ინფორმირება;

შეწყვიტონ მედიის წინააღმდეგ წამოწყებული პოლიტიკურად მოტივირებული საქმეები;

შეწყვიტონ კრიტიკული მედიის ბოიკოტი და აღადგინონ მედიასთან საქმიანი ურთიერთობის რეჟიმი;

შეწყვიტონ კომუნიკაციების მარეგულირებელი კომისიის გამოყენება პოლიტიკური მიზნით“, - ნათქვამია მანიფესტში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.