2021-02-27 12:17:08, 892 ნახვა
პოლიტიკა
NDI-ის საქართველოს ოფისის ყოფილი ხელმძღვანელი - საქართველოში დემოკრატიული კრიზისი კრემლისთვის საჩუქარია
NDI საქართველოს ოფისის ყოფილი ხელმძღვანელი, ლორა თორნტონი, „ტვიტერზე“ საქართველოში მიმდინარე მოვლენებსა და „ნაციონალური მოძრაობის“ თავმჯდომარის, ნიკა მელიას დაკავებას ეხმაურება.
როგორც თორნტონი წერს, მელიას წინააღმდეგ მთავრობის ქმედება და კრიზისი კრემლისთვის უზარმაზარი საჩუქარია.
„მთავრობის მოქმედება ოპოზიციონერ ნიკა მელიას წინააღმდეგ და საქართველოში არსებული დემოკრატიული კრიზისი კრემლისთვის უზარმაზარი საჩუქარი იყო. მათ შეუძლიათ დასხდნენ და უბრალოდ უყურონ, დაითვალონ დანაზოგები ახლა არასაჭირო ჰიბრიდული ომის ბიუჯეტიდან. „ქართულო ოცნებავ“ და „ნაციონალურო მოძრაობავ“ დაიცავი დემოკრატია“, - წერს თორნტონი.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
