მნიშვნელოვანია, რომ შენარჩუნდეს დადებითი მუხტი და არ გაუარესდეს ეპიდვითარება, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის სხდომის დასრულების შემდეგ, ბრიფინგზე განაცხადა.

ეკონომიკის მინისტრმა ისაუბრა იმ შეზღუდვებზე, რომლებიც დღეიდან შემსუბუქდა და აღნიშნა, რომ ეკონომიკის სამინისტრო ელოდება და მოითხოვს პასუხისმგებლიან დამოკიდებულებას ბიზნესისგან.

„სასტუმროებს აქვთ შესაძლებლობა ნებისმიერ დროს გაიხსნან, ნებისმიერ დროს მოემზადონ, იმიტომ რომ თუნდაც ბაკურიანში, გუდაურში, მესტიაში სეზონი გრძელდება, კლიმატური პირობები არ უწყობს რესტორნების ღია სივრცეებს, მაგრამ უწყობს ხელს ზამთრის კურორტებზე განლაგებულ სასტუმროებს მუშაობაში. რაც შეეხება რესტორნებს, 1-ელი მარტიდან აჭარაში, ხოლო 8 მარტიდან დანარჩენ საქართველოში შიდა სივრცეები გაიხსნება და ჩვენ ყოველდღიურ რეჟიმში ვმუშაობთ, რომ მოვამზადოთ ეს დარგი გახსნისთვის. საქალაქთაშორისო ტრანსპორტი გაიხსნა, რკინიგზაც განაახლებს და გამოაცხადებს თავის მარშუტებს.

მთავარია, რომ დადებითი მუხტი შენარჩუნდეს, დადებითი ტალღა შენარჩუნდეს და  არ გაგვიუარესდეს ეიპდვითარება, ამიტომ ისევ და ისევ პასუხისმგებლიან დამოკიდებულებას მოვითხოვთ და ველოდებით ბიზნესისგან“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა