მსოფლიო მასშტაბით კორონავირუსის ვაქცინით აცრილთა რაოდენობა 63 მილიონს შეადგენს, - ამის შესახებ ინფორმაციას „ბლუმბერგი“ ავრცელებს.

მისივე მონაცემებით, აღნიშნული მაჩვენებელი 56 ქვეყანაში აღირიცხა და საშუალოდ დღეში დაახლოებით 3,21 მილიონი დოზა იყო.

მხოლოდ აშშ-ში, სადაც ვაქცინაცია 14 დეკემბერს დაიწყო, აცრილთა რაოდენობა 21.1 მილიონს აღწევს - მედიკოსთა დიდმა ნაწილმა პროცესში მონაწილეობა უკვე მიიღო.

ბოლო კვირის განმავლობაში აშშ-ში დღეში საშუალოდ 1,06 მილიონი დოზა გამოიყენებოდა.

რაც შეეხება ვაქცინაციის სისწრაფეს (ყოველ 100 მოსახლეზე გაანგარიშებით), ამ მხრივ კვლავ ისრაელი ლიდერობს, სადაც, 23 იანვრის მონაცემებით, აცრილთა რიცხვი 3.4 მილიონია. მას მოსდევს არაბთა გაერთიანებული საამიროები, სეიშელი, ბაჰრეინი, გაერთიანებული სამეფო და აშშ.

შეგახსენებთ, რომ მსოფლიოში კორონავირუსით ინფიცირებულთა საერთო რაოდენობამ 99 მილიონს გადააჭარბა, 71 მილიონი გამოჯანმრთელდა, ხოლო 2 მილიონზე მეტი კი გარდაიცვალა.

ავტორი: ექსპრესნიუსი,

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს