ე.წ კარტოგრაფების საქმის პროკურორის, მიხეილ სადრაძის განცხადებით, ფარული საგამოძიებო მოქმედებებიდან ირკვევა, რომ ივერი მელაშვილი და ნატალია ილიჩოვა განზრახ და ზემდგომი პირების დავალებით მოქმედებდნენ.

როგორც ის აღნიშნავს, უახლოეს პერიოდში ფარული საგამოძიებო მოქმედებების შედეგად მიღებული ვიდეო და აუდიო მასალა გასაჯაროვდება.

„ჩვენ წარდგენილ არსთან დაკავშირებით დღეს მოხდა ბრალდებულებისთვის ბრალის დაზუსტება და სწორედ დაზუსტებული ბრალის წარდგენის პროცედურები უნდა განხორციელდეს. რაც შეეხება ბრალის დაზუსტების საფუძველს ჩვენ არაერთხელ განვაცხადეთ დავაანონსეთ, რომ დადგენილი გვქონდა მოტივი, თუმცა გამოძიების ინტერესებიდან გამომდინარე თავს ვიკავებდით ამის გასაჯაროებისგან. იმიტომ ,რომ ამ მიმართულებით ასევე დამატებითი ღონისძიებები მიმდინარეობდა.

დღეს უკვე გვაქვს შესაძლებლობა, რომ თავისუფლად ვისაუბროთ მოტივთან დაკავშირებით და მივაწოდოთ ეს საზოგადოებას, მოტივს რაც შეეხება, დადგენილია, რომ ბრალდებულები მოქმედებდნენ განზრახ და ზემდგომი პირების დავალებების შესაბამისად მოქმედებდნენ. რაც შეეხება მტკიცებულებებს, რაც ადასტურებს ამ გარემოებას, პირები რა თქმა უნდა ესაა მოწმეთა გამოკითხვის ოქმები, მაგრამ ყველაზე მთავარი ეს არის ფარული საგამოძიებო მოქმედებების შედეგად მოპოვებული მტკიცებულებები, აუდიო და ვიდეო მასალა.

უახლოეს მომავალში ყველა ამ გარემოებასთან დაკავშირებით მათ შორის ფარულ საგამოძიებო მოქმედებებთან დაკავშირებით, ჩვენ დემონსტრაციას მოვახდენთ და საზოგადოებას მივაწვდით“, - განაცხადა სადრაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება