გიორგი შაქარაშვილის განზრახ მკვლელობაში ბრალდებული ხუთი პირის საქმის განხილვა გრძელდება

2021-01-12 11:57:33, 741 ნახვა

სამართალი

მცხეთის რაიონულ სასამართლოში გიორგი შაქარაშვილის განზრახ მკვლელობაში ბრალდებული ხუთი პირის საქმის განხილვა გრძელდება.

საქმის პროკურორის, დავით ყაზარაშვილის თქმით, დღევანდელ სასამართლო სხდომაზე გამომძიებელი დაიკითხება და საქმეშია არსებულ ვიდეომასალას გამოიკვლევენ.

ყაზარაშვილმა აღნიშნა, რომ საქმესთან დაკავშირებით 100 მოწმიდან მხოლოდ 18 მოწმე დარჩა დასაკითხი.

„დღევანდელ სასამართლო სხდომაზე დაიკითხება გამომძიებელი, გამოვიკვლევთ ვიდეომასალას, სხვა მოწმე დღეს არ გვეყოლება. რაც შეეხება უშუალოდ საქმეზე დაკითხულ მოწმეებს, ამ ეტაპზე 100 მოწმიდან 18 მოწმეა დარჩენილი. სამედიცინო ექსპერტიზის დასკვნითაც, რომლითაც დგინდება გიორგი შაქარაშვილის მკვლელობის ფაქტი და მკვლელობამდე მასზე განხორციელებული ძალადობის ფაქტი, შეუძლებელია ჩვენი მოლოდინი იყოს სხვაგვარი და რა თქმა უნდა, ბრალდების მხარე ელოდება გამამტყუნებელ განაჩენს“, - განაცხადა დავით ყაზარაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან