ძმის მკვლელობისთვის დაკავებულ 21 წლის მამაკაცს ბრალი წარუდგინეს

2021-01-07 17:33:48, 638 ნახვა

სამართალი

ძმის მკვლელობისთვის დაკავებულ 21 წლის მამაკაცს ბრალი წარუდგინეს.

როგორც დაკავებულის ადვოკატი აცხადებს, მისი დაცვის ქვეშ მყოფი დუმილის უფლებას იყენებს.

„წარდგენილ ბრალს არ აღიარებს. ყოველგვარი განზრახვა გამორიცხულია. რაც შეეხება საქმის მასალებს გადმომეცა, გავეცნობით და ჩვენი პოზიცია შემდეგ გვექნება. დუმილიუფლებას იყენებს ამ ეტაპზე. ეს იყო წმინდა წყლის შემთხვევითობა“, - განაცხადა ადვიკატმა.

შეგახსენებთ, რომ შემთხვევა გუშინ მოხდა. 21 წლის მამაკაცმა ურთიერთშელაპარაკების ნიადაგზე 19 წლის ძმას ცივი იარაღით მრავლობითი ჭრილობა მიაყენა. ახალგაზრდა საავადმყოფოში მიყვანამდე გარდაიცვალა.

მომხდარზე გამოძიება განზრახ მკვლელობის მუხლით მიმდინარეობს, რაც 7-დან 15 წლამდე თავისუფლების აღკვეთას ითვალისწინებს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან