შრომის პირობების ინსპექტირების დეპარტამენტის უფროსის, ბექა ფერაძის განცხადებით, 26-27 დეკემბრის მონიტორინგის ფარგლებში, სოციალური ღონისძიებების გამართვისთვის 2 ობიექტი დაჯარიმდა.

როგორც მან მთავრობის ადმინისტრაციაში გამართულ ბრიფინგზე აღნიშნა, 69 ობიექტის გადამოწმებისას დადგინდა, რომ საქმიანობას პროტოკოლით გათვალისწინებული მოთხოვნების სრული დაცვით ანხორციელებდნენ.

„მოგახსენებთ 2020 წლის 26-27 დეკემბრის ერთობლივი მონიტორინგის ფარგლებში განხორციელებულ აქტივობებს. სულ განხორციელდა 2779 აქტივობა. ძირითადი აქცენტი გაკეთებულია თბილისში, ქუთაისში, იმერეთში და ზოგადად, აჭარის რეგიონში. შემოწმდა 54 სავაჭრო მოლის ტერიტორია და მასში არსებული 1791 ობიექტი. მონიტორინგით დადასტურდა, რომ 20 ობიექტი, რომელიც პროტოკოლით განსაზღვრული რეკომენდაციების შესაბამისად სრულად შემოწმდა, აკმაყოფილებდა მოთხოვნებს. 843 ობიექტზე პრევენციული მიზნობრიობიდან გაიცა სიტყვიერი გაფრთხილება, 69 ობიექტის გადამოწმებისას დადგინდა, რომ საქმიანობას პროტოკოლით გათვალისწინებული მოთხოვნების სრული დაცვით ანხორციელებდნენ.

სამწუხაროდ, დაჯარიმდა 2 ობიექტი სოციალური ღონისძიებების გამართვისთვის. ზოგადი სტატისტიკა 2020 წლის 28 ნოემბრიდან 28 დეკემბრის ჩათვლით ასეთია, რომ ჯამში განხორციელებულია 37 095 აქტივობა, საიდანაც ზედამხედველობის შედეგად ცნობიერების ამაღლების მიმართულებით განხორციელდა 24 337 სარეკომენდაციო ხასიათის ინსპექტირება“, - განაცხადა ბექა ფერაძემ.

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს