დღეიდან ქალაქში საახალწლო ილუმინაციები არ გამოირთვება, – ამის შესახებ დედაქალაქის მერმა, კახა კალაძემ განაცხადა.

როგორც კახა კალაძემ განმარტა, აღნიშნული გადაწყვეტილება თბილისის მერიამ მოქალაქეების თხოვნის საფუძველზე მიიღო.

მანვე დასძინა, რომ კორონავირუსი ვერ მოკლავს ახალ წელს.

„მთელი მსოფლიო ებრძვის პანდემიას და ჩვენ საქართველოში ყველაფერს ვაკეთებთ დარგის სპეციალისტების, ეპიდემიოლოგების მოთხოვნების გათვალისწინებით,რათა დავიცვათ ადამიანის ჯანმრთელობა, სიცოცხლის უსაფრთხოება, დღეს ეს არის ყველაზე მნიშვნელოვანი. ზოგადად რა არის ჩვენი მთავარი იარაღი პანდემიასთან საბრძოლველად? - ეს არის კარგი განწყობა, სულიერი სიმხნევე, ადამიანების სითბო და სიყვარული. როგორ უნდა უნდა შევხვდეთ ახალ წელს შეშინებულები და დათრგუნულები? - რა თქმა უნდა არა, ჩვენი მომავლის რწმენა, იმედი სადრესასწაულო მორთული ქუჩები, რა თქმა უნდა დაასუსტებს ამ უხილავ მტერს. ნაძვის ხის ანთების დროს ვთქვი და მინდა გავიმეორო, ხალისი, ბავშვების ჟრიამული, კისკისი, ეს არის ის, რისიც ყველაზე მეტად ეშინია ამ ვირუსს.

მას შემდეგ, რაც მე გამოვთქვი სურვილი, რომ შეზღუდვების დრო გამოირთოს საახალწლო ილუმინაციები, ძალიან ბევრმა ადამიანმა მოგვმართა თხოვნით, რომ შეზღუდვის მიუხედავად, მაინც დაგვეტოვებინა ღამის საათებში საახალწლო განათებები. რომ დავფიქრდეთ, ვინ ნახულობს ღამის განათებებს, როდესაც საკომენდატო საათი იწყება და დღესაც გვქონდა მერიაში ბევრი მსჯელობა, როგორც მოვიქცეთ, რა გავაკეთოთ, იმიტომ რომ გუშინ ბევრმა ადამიანმა მოგვმართა თხოვნით, რომ არ გამოგვერთო ღამით საახალწლო ილუმინაციები. ვმსჯელობდით, რომ განათებებს ნახულობს ის ადამიანები, ვინც ბრძოლის წინა ხაზზე არიან და ყველაზე სტრესულ მდგომარეობაში, ექიმები, რომლებიც ზრუნავენ ჩვენს ჯანმრთელობაზე, პოლიციელები, რომლებიც ზრუნავენ ჩვენს უსაფრთხოებასა და წესრიგზე, ჟურნალისტები, ეს არის თბილსერვისის თანამშრომლები, მეხანძრე მაშველები, ოჯახები, რომელთა აივნებიდან მოჩანს გამხიარულებული და ულამაზესი თბილისი. თითქოს თბილი და მყუდრო ქუჩები, ამ ადამიანების დაღლილობას სტრესს და მძიმე სამუშაოს მალამოდ დაედება, იმედით აღავსებს. ჩვენ ვითვალისწინებთ ამ მოთხოვნებს, თითოეული თბილისელის სურვილს, რომ დარჩეს თბილისი განათებული და შესაბამისად, დღეიდან ქალაქში საახალწლო ილუმინაციები არ გამოირთვება

კოვიდი ახალ წელს ვერ მოკლავს, ვერ ჩააქრობს სინათლეს და სიცოცხლის სურვილს ჩვენს გულებში, იმედს ჩვენს თვალებში და, რა თქმა უნდა, ვერ ჩაგვაბნელებს“, – განაცხადა კახა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლიტერატურული პრემია „საბას“ 2026 წლის ფინალისტები ცნობილია

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა