ზუგდიდის მუნიციპალიტეტის გამგებელმა ედიშერ თოლორაიამ დღეს, მოადგილესთან გიზო სართანიასთან, სოციალური განყოფილების უფროსთან გოგი რევიასთან და შპს „შაკო+“ –ს წარმომადგენელთან ერთად უკიდურესად შეჭირვებულ და მძიმე საყოფაცხოვრებო პირობების მქონე ოჯახებისთვის, საცხოვრებელი სახლების მშენებლობის პროცესი რამდენიმე სოფელში დაათვალიერა.

გამგეობის ინფორმაციით, მუნიციპალიტეტის ადმინისტრაციულ ერთეულებში: ჭითაწყარი, ცაცხვსა და ჩხორიაში ერთი ერთოთახიანი და ორი სამოთახიანი სახლის მშენებლობა აქტიურ ფაზაში მიმდინარეობს.

ედიშერ თოლორაია ბენეფიციარებს საცხოვრებელი სახლების კეთილმოწყობას დაპირდა და განაცხადა, რომ სახლები სადაც ბენეფიციარები იცხოვრებენ იქნება ყველანაირად მოწესრიგებული და ისინი თავს სრულფასოვან პიროვნებებად იგრძნობენ.

ბენეფიციარებმა ამ ინიციატივისთვის მუნიციპალიტეტის გამგებელს ედიშერ თოლორაიას და მის მოადგილეს გიზო სართანიას მადლობა გადაუხადეს.

ამ ეტაპზე საცხოვრებელი სახლების სამშენებლო სამუშაოები 13 ადმინისტრაციულ ერთეულში ერთდროულად მიმდინარეობს და ის 45 დღეში დასრულდება.

ცნობისთვის, პროექტის მიხედვით 22 – 41 კვ/მ ერთოთახიანი და სამოთახიანი სახლები აშენდება. ერთოთახიანი სახლები მარტოხელა და ორ სულიანი ოჯახებისთვის იქნება განკუთვნილი, ხოლო სამოთახიანი, სამი და მეტი წევრისგან შემდგარი ოჯახისთვის. პროექტის ფარგლებში სახლებს დასრულებული ფორმა ექნებათ. ბენეფიციარის საცხოვრებელი სახლი მოწესრიგებული სამზარეულოთი, სველი წერტილებით, მზის გამათბობელით, მეტალოპლასტმასის კარ–ფანჯრებითა და ლამინირებული იატაკით იქნება უზრუნველყოფილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას