დღევანდელი შეხვედრა არის კიდევ ერთი წინგადადგმული ნაბიჯი შეთანხმებისკენ, - ამის შესახებ პარლამენტის თავმჯდომარემ, არჩილ თალაკვაძემ ოპოზიციასთან შეხვედრის შემდეგ, ჟურნალისტებთან საუბრისას განაცხადა.

მისივე თქმით, არსებობს რეალური ალბათობა, რომ მოლაპარაკებების პროცესი ოპოზიციასთან დასრულდება შეთანხმებით და გაგრძელდება ნორმალური პოლიტიკური სისტემის ფუნქციონირება.

„ვიტყოდი, რომ დღევანდელი შეხვედრა არის კიდევ ერთი წინგადაგმული ნაბიჯი შეთანხმებისკენ, ეს ემსახურებოდა პოზიციების უფრო დაახლოებას იმ მნიშვნელოვან საკითხებზე, რაც უკავშირდება პოლიტიკური სისტემის სტაბილიზაციას და ხელისუფლებასა და ოპოზიციას შორის შემდგომ თანამშრომლობას, რაც ძალიან გვჭირდება. იმედი მაქვს, რომ შემდეგ შეხვედრაზე შევძლებთ პოზიციების ისე შეთანხმებას, რომ შესაძლებელი გახდება შეთანმება, მისი გაფორმება და პარლამენტის მრავალპარტიული შეკრება.

არის რეალური ალბათობა, რომ მოლაპარაკებების პროცესი დასრულდეს შეთანხმებით და ჩვენ განვაგრძოთ ნორმალური პოლიტიკური სისტემის ფუნქციონირება“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თეთრი სახლი: ტრამპი მსოფლიო ჩემპიონატის ფინალს დაესწრება

აშშ-მ ირანზე საჰაერო დარტყმების ახალი ტალღის დაწყების შესახებ განაცხადა

აშშ-მ გაამკაცრა ვიზების გაცემის წესები უცხოელი ჟურნალისტებისა და სტუდენტებისთვის

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს