2020-12-07 16:54:57, 533 ნახვა

---

გიორგი ვაშაძე - დღევანდელი შეხვედრა იყო პოზიტიური, მაგრამ რიგგარეშე არჩევნებისა და პოლიტპატიმრების საკითხში ვერ ვთანხმდებით

პარტია „სტრატეგია აღმაშენებლის“ ლიდერის. გიორგი ვაშაძის განცხადებით, ოპოზიციასა და ხელისუფლებას შორის მოლაპარაკებების მესამე რაუნდი პოზიტიური და საქმიანი აღმოჩნდა.

მისი თქმით, დღევანდელი დისკუსიის შემდეგ ოპოზიციაში შიდა განხილვები დაიწყება.

„ნამდვილად საქმიანი იყო დღევანდელი შეხვედრა. ჩვენ გავიარეთ აბსოლუტურად ყველა საკითხი. არის საკითხები, სადაც მოხდა პოზიციების დაახლოება, მაგრამ ძირითად საკითხებთან დაკავშირებით კვლავ არის მნიშვნელოვანი სხვაობა ჩვენსა და ხელისუფლების პოზიციას შორის. დღევანდელი დისკუსიის შემდეგ გვექნება შიდა განხილვები. რა თქმა უნდა, აქ საუბარია რიგგარეშე არჩევნებზე და პატიმრების საკითხებზე. შევთანხმდით, რომ ვაგრძელებთ ამ სამუშაო რეჟიმში მუშაობას. დიდი მადლობა მინდა ვუთხრა დიპლომატებს, რომლებმაც ეს მედიაცია შექმნეს“, - განაცხადა გიორგი ვაშაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი