კასპის მუნიციპალიტეტის მერი საქართველოს წითელი ჯვრის საზოგადოების პრეზიდენტს და გაეროს მოსახლეობის ფონდის საქართველოს ოფისის ხელმძღვანელს შეხვდა

2020-11-30 15:57:56, 764 ნახვა

რეგიონი

დღეს კასპის მუნიციპალიტეტის მერი ვახტანგ მაისურაძე საქართველოს წითელი ჯვრის საზოგადოების პრეზიდენტს ნათია ლოლაძეს და გაეროს მოსახლეობის ფონდის საქართველოს ოფისის ხელმძღვანელს ლელა ბაქრაძეს შეხვდა.

საქართველოს წითელი ჯვრის საზოგადოებისა და გაეროს მოსახლეობის ფონდის (UNFRA) საქართველოს ოფისის პარტნიორობით, გრძელდება სოციალურ - ეკონომიკური რეაგირება COVID-19 -თან დაკავშირებულ გამოწვევებზე. პროექტი მიმდინარეობს საქართველოს 10 მუნიციპალიტეტში, მათ შორის კასპშიც.

შეხვედრაზე მხარეებმა განიხილეს პროგრამის ფარგლებში დაგეგმილი საქმიანობები, რომელიც ეხება ხანდაზმულთათვის სხვადასხვა სახის დახმარების, მომსახურებისა და ინფორმაციის მიწოდებას. შეხვედრის დასრულების შემდეგ კი მარტოდ მცხოვრებ სოციალურად დაუცველ მოხუცებს გადასცეს სასურსათო და ჰიგიენური ამანათები.

მუნიციპალიტეტის მერმა მადლობა გადაუხადა ნათია ლოლაძეს და ლელა ბაქრაძეს მუნიციპალიტეტში მცხოვრებ ხანდაზმულ მარტოხელების დახმარებისათვის, ასევე გამოთქვა მზაობა სამომავლო თანამშრომლობისათვის.

#COVID19წითელიჯვარიგაეროსმოსახლეობისფონდი

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),