2020-11-27 17:36:30, 558 ნახვა
საზოგადოება
საგარეო უწყებასთან ე.წ. კარტოგრაფების საქმეზე სამოქალაქო აქტივისტების აქცია მიმდინარეობს
საგარეო საქმეთა სამინისტროს შენობასთან სამოქალაქო აქტივისტები ე.წ. კარტოგრაფების საქმეზე აქციას მართავენ.
აქციის მონაწილეები საგარეო უწყებისგან ბრალდებულების ადვოკატებისთვის ოფიციალური დოკუმენტის გადაცემას ითხოვენ, რომლითაც შესაძლოა, მათი უდანაშაულობა დამტკიცდეს.
სამოქალაქო აქტივისტებთან ერთად სამინისტროს შენობასთან ბრალდებულების ადვოკატები და პოლიტიკური პარტიების წარმომადგენლებიც იმყოფებიან.
შეგახსენებთ, რომ საქართველო-აზერბაიჯანის დემარკაციის კომისიის ექსპერტთა საბჭოს უფროსი, ივერი მელაშვილი და წევრი, ნატალია ილიჩოვა 7 ოქტომბერს დააკავეს. პროკურატურის ინფორმაციით, მათ ბრალად უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედება ედებათ.
ავტორი: ექსპრესნიუსი,
epn.ge (@expressnews.ge)
