აჭარის მთავრობის თავმჯდომარე არჩილ ხაბაძემ  ქალაქის მერთან გიორგი ერმაკოვთან ერთად ბათუმის კომუნალური ინფრასტრუქტურის რეაბილიტაციის პროექტის III ფაზის სამუშაოები მოინახულა.

აჭარის მთავრობის ადმინისტრაციის ინფორმაციით, აღნიშნული პროექტის ფარგლებში, ჩაქვის წყლის სამარაგო რეზერვუარების მშენებლობა მოსახლეობისთვის წყლის თვითდენით მიწოდებას უზრუნველყოფს.  პროექტში ასევე გათვალისწინებულია მწვანე კონცხისა და მახინჯაურის მოსახლეობის წყალმომარაგების სისტემების რეაბილიტაცია.  900კუბ/მ და 2800 კუბ/მ  მოცულობის რეზერვუარი  ზღვის დონიდაც 57 მეტრზე მდებარეობს.     პროექტი ევროკავშირის საგრანტო ფონდის დაფინანსებით ხორციელდება.

„ამ ეტაპზე, დაბა ჩაქვის ტერიტორიაზე ცენტრალური წყალმომარაგების მილების მონტაჟი მიმდინარეობს, რის შემდეგაც ინდივიდუალური დაერთებები დაიწყება. სამუშაოები 2015 წლის მარტში დაიწყო და 28 თვეზეა გათვლილი.  ადგილზე 15 ადამიანია დასაქმებული. სამუშაოებს თურქული კომპანია „ეჯითაში“  ასრულებს.

პროექტის აღნიშნული მონაკვეთის   ღირებულება 6 მილიონ 100 ათას ევროს შეადგენს.  სამუშაოები მარტში დაიწყო და 2017 წლის II კვარტლისთვის უნდა დასრულდეს.

III ფაზის სამუშაოები  45 მილიონი დოლარი ჯდება და მოიცავს ე.წ. ჭაობის დასახლების საკანალიზაციო სისტემის რეაბილიტაციასაც. პროექტის ფარგლებში გათვალისწინებულია როგორც წყალარინების საწნევო, ასევე, თვითდენითი მაგისტრალების მშენებლობა და ინდივიდუალური დაერთებების მოწყობა. განხორციელდება წყალარინების სისტემის სრული რეაბილიტაცია, რის შემდეგაც ტერიტორიის კეთილმოწყობა დაიწყება. ამ ეტაპზე, სამუშაოები ჭავჭავაძისა და გიორგი ბრწყინვალეს ქუჩებს შორის არსებულ მონაკვეთზე მიმდინარეობს.

გარდა ამისა, III ფაზის სამუშაოების ფარგლებში, სულ მალე, ხელი მოეწერება ხელშეკრულებას ანგისის, თამარის დასახლების, ბონი-გოროდოკის, ჩაისუბნის ტერიტორიაზე წყლისა და საკანალიზაციო სისტემების რეაბილიტაციაზე. სამუშაოები შემოდგომაზე უნდა დაიწყოს“, - ნათქვამია აჭარის მთავრობის ადმინისტრაციის პრესსამსახურის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია