პრემიერ-მინისტრმა გიორგი გახარიამ მთავრობის ადმინისტრაციაში, ბრიფინგზე განაცხადა, რომ გამოხატვის თავისუფლებას, სანამ ის არ გასცდება სამართლებრივ წესებს, არაფერი ემუქრება.

მისივე თქმით, წინააღმდეგ შემთხვევაში პოლიცია იმოქმედებს თავის მანდატში, კანონის სრული დაცვით.

ამასთანავე, პრემიერი გამოეხმაურა მიმდინარე წინასაარჩევნო კვლევებს და აღნიშნა, რომ მას აქვს საკუთარი რეიტინგი, რომელსაც არჩევნების შემდგომ გაამხელს.

„შეიძლება ვიღაცის ფანტაზიაში, ათასი არანორმალური გვყავს სამწუხაროდ პოლიტიკაში, ვიღაცის ფანტაზიებში რაღაც შეიძლება დაიბადოს, მაგრამ გამოხატვის თავისუფლება, მანამ სანამ, ის შეესაბამება სამართლებრივ წესებ და ნორმებს, ამას არაფერი ემუქრება, მაგრამ როგორც კი ეს გავა ზღვარს და რისკს შეუქმნის სხვა მოქალაქეებს ან შენობებს, რა თქმა უნდა, პოლიცია იმოქმედებს თავის მანდატში, კანონის სრული დაცვით.

სამწუხაროდ, წინასაარჩევნო პერიოდში ოპოზიციის კონტენტი და ნარატივი იყო ცარიელი ყველანაირი შინაარსისგან. სამწუხაროა ეს ყველაფერი, თემა არის შემდეგში, მე არანაირი რეიტინგები და კვლევები არ მჭირდება, მათ შორის ოპოზიციური ტელევიზიების და პარტიების გაკეთებული. მე ძალიან ახლო ურთიერთობა მაქვს ადამიანებთან, ყველაზე სწორი არის ეს შეგრძნებები, მე ჩემი რეიტინგი მაქვს საკუთარი, რომელსაც მერე გაგიმხელთ, არჩევნები რომ დასრულდება“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო