„საქართველოს გაზიფიცირება და ბუნებრივი აირის ქსელით დაფარვა ძალიან მაღალ ნიშნულს აღწევს - ჩვენ ვგეგმავთ, რომ გავაგრძელოთ ეს პროგრამა და 2022-2024 წლებში კიდევ 211 დასახლებული პუნქტის 33 ათასი აბონენტი შეუერთება გაზიფიცირების ქსელს, - ამის შესახებ ეკონომიკისა და მდგრადი განვითარების მინისტრმა ნათია თურნავამ წალენჯიხაში, საქართველოს გაზიფიცირების გაწეული სამუშაოების ანგარიშისა და სამომავლო გეგმების შესახებ პრეზენტაციაზე სიტყვით გამოსვლისას განაცხადა.

მინისტრის თქმით, 2019-2021 და 2022-2024 წლების  ორივე პროგრამის ფარგლებში, ჯამში საქართველოში გაზიფიცირებული ახალი დასახლებული პუნქტების რაოდენობა 600-მდე გაიზრდება.

„საქართველო გაზიფიცირების დონით და ჩვენი სახელისუფლებო გუნდის გაწეული სამუშაოების მეშვეობით ერთ-ერთი ყველაზე უფრო მაღალგაზიფიცირებული ქვეყანა გახლავთ. თუ სხვა ევროპულ ქვეყნებს შევადარებთ, საუბარია ჩვენი ლანდშაფტის მსგავსი და რთული რელიეფის მქონე ქვეყნებზე, გაზიფიცირების დონე იმ ქვეყნებში უფრო დაბალია", - აღნიშნა ნათია თურნავამ.

პრეზენტაციაზე სიტყვით გამოსვლისას ნათია თურნავამ ასევე აღნიშნა, რომ ასეთ რთულ დროს, როდესაც ვებრძვით პანდემიას, გამოინახა დამატებითი რესურსები გაზიფიცირების მასშტაბური პროგრამის გასაგრძელებლად.

2021 წლის ბოლოს მოსახლეობის 90 პროცენტზე მეტი - 1 მილიონ 400 მლნ-მდე აბონენტი ჩართული იქნება ერთიან გაზგამანაწილებელ ქსელში. ამ შედეგის მიღწევა შესაძლებელი გახდება საქართველოს მთავრობის მიერ მიღებული 2019 – 2021 წლებზე გათვლილი გაზიფიცირების პროგრამის წარმატებით და რაც მთავარია, ვადების სრული დაცვით განხორციელებით.

2013 წლიდან დღემდე  დამატებით 1000-ზე მეტი დასახლებული პუნქტი გაზიფიცირდა და  312 000  ოჯახს აქვს შესაძლებლობა ისარგებლოს გაზით. 2019-2021 წლების გეგმით ჯამურად  გათვალისწინებულია 90 000-მდე აბონენტის გაზიფიცირება. სამუშაოების სრული ღირებულება 240 მლნ. ლარს შეადგენს.

2019-2021 წლებში საქართველოს მთავრობის მიერ ხორციელდება გაზიფიცირების 3-წლიანი გეგმა, რომლის ფარგლებშიც ხდება  საქართველოს მასშტაბით 384 სოფელში  გაზის შეყვანა, აქედან 92 დასახლებული პუნქტი და 2 მკვებავი გაზსადენი წალენჯიხასა და ჩხოროწყუში  - სამეგრელოს რეგიონშია.

3-წლიანი გეგმის ფარგლებში ბუნებრივი აირი შედის ისეთ დასახლებულ პუნქტებშიც, სადაც გაზი ისტორიულად არასოდეს ყოფილა, მათ შორის წალენჯიხასა და ჩხოროწყუში.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება