2020-10-22 14:15:44, 581 ნახვა
საზოგადოება
„საქართველოს ბანკი“ არ ადასტურებს ინფორმაციას, რომ ქობულეთში მათი ინკასატორი გაძარცვეს
„საქართველოს ბანკი“ არ ადასტურებს ინფორმაციას , რომ ქობულეთში მათი ინკასაციის მანქანა დააყაჩაღეს.
ამის შესახებ „ექსპრესნიუსს“ „საქართველოს ბანკის“ პრესსამსახურში განუცხადეს.
„ეს არ არის „საქართველოს ბანკის“ კუთვნილი ინკასაციის მანქანა. როგორც ჩვენთვის ცნობილია, მანქანა ეკუთვნის კომპანია DDG-ს. დამატებითი დეტალებისთვის გთხოვთ, მიმართოთ შსს-ს“, – განაცხადეს „საქართველოს ბანკში“.
ამასთან, კომპანია DDG ადასტურებს, რომ თავდასხმა მათ კუთვნილ მანქანაზე მოხდა.
„მოხდა თავდასხმა კომპანია DDG-ს კუთვნილ მანქანაზე. თავდახმის შედეგად არავინ დაშავებულა“, - აცხადებენ კომპანიაში.
გავრცელებული ინფორმაციით, ინკასატორს დაახლოებით 75 000 ლარი გასტაცეს.
ავტორი: ექსპრესნიუსი,
epn.ge (@expressnews.ge)
