ტალავერისა და ფარიზის მიმართულებით  გადაადგილება ამდრომდე სამარშრუტო ტაქსებით იყო შესაძლებელი, ადგილების სიმცირის გამო კი  აღნიშნული ხაზები მხოლოდ პედაგოგებსა და მოსწავლეებს ემსახურებოდა, რის შედეგადაც ადგილობრივი მოსახლეობა საზოგადოებრივი ტრანსპორტით მგზავრობას ვერ ახერხებდა.

ამ პრობლემის მოგვარების მიზნით, ბოლნისის მუნიციპალიტეტის მერიამ სამარშრუტო ტაქსები ავტობუსებით ჩაანაცვლა და დღეს, ტალავერის, ფარიზისა და მიმდებარე სოფლების მიმართულებით  გადაადგილება პედაგოგების გარდა ნებისმიერ მსურველს შეუძლია. 

ავტობუსები ბოლნისის მუნიციპალიტეტს თბილისის მერიამ საჩუქრად გადასცა. მათ კაპიტალური რემონტი ჩაუტარდათ და მხოლოდ ტექდათვალიერების გავლის შემდეგ დაემატა ტალავერისა და ფარიზის მიმართულების სამარშრუტო ხაზებს.
თბილისის მერიამ, მუნიციპალიტეტს საჩუქრად 5 ერთეული სატრანსპორტო საშუალება გადასცა  და 3 ავტობუსი, უკვე არსებულ სამარშრუტო ხაზებს, საჭიროების მიხედვით, ეტაპობრივად დაემატება.

შეგახსენებთ, რომ ბოლნისის მერიამ, მოქალაქეების კომფორტული გადაადგილების მიზნით, მუნიციპალური ტრანსპორტის განრიგის ცვლილების გადაწყვეტილება მიიღო. 28 სექტემბრიდან, რატევანი-რაჭისუბნის მიმართულებით მოძრავი ავტობუსები ნაცვლად 08:00 საათისა მუშაობას 07:45 საათზე იწყებენ და 20:30 საათზე ასრულებენ.

აღსანიშნავია, რომ მოსახლეობის მოთხოვნით,  საზოგადოებრივი ტრანსპორტი კვირაში ექვსი დღე, შაბათის გარდა, ე.წ ,,რკინიგზის დასახლების" მიმართულებითაც იმოძრავებს. რატევანის მიმართულებით მოძრავი მუნიციპალური ავტობუსების მარშრუტი კი, მოსახლეობის ინტერესების გათვალისწინებით გაიზარდა და ავტობუსების ბოლო გაჩერება N3 ქუჩაზე განთავსდა.

ავტორი: NS (სტატია დაფინანსებულია),

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს