ადვოკატი - ბრალდების მხარემ ვერ გამოკვეთა, რომ გიორგი შაქარაშვილი მოკლულია

2020-10-15 12:29:40, 834 ნახვა

სამართალი

გიორგი შაქარაშვილის საქმეზე დაკავებულის ადვოკატი ბექა ნემსიწვერაძე აცხადებს, რომ ბრალდების მხარემ ვერ გამოკვეთა, რომ გიორგი შაქარაშვილი მოკლულია.

მისი თქმით, გამოძიებამ საქმესთან დაკავშირებით არსებულ კითხვებზე პასუხი ვერ გასცა და ამ პასუხებს ახლა სასამართლოს სთხოვს.

„ეს არ არის გამართული სისხლის სამართლის საქმე. ეს არის კითხვის ნიშნები, რომელიც მოუტანეს სასამართლოს და რომელზეც თავად გამოძიებამ და ბრალდების მხარემ ვერ გასცა პასუხი. ახლა სასამართლოს სთხოვენ, რომ გასცეს პასუხი იმ კითხვებზე, რაზეც თავად ვერ უპასუხეს. მათ ვერ გამოკვეთეს არამხოლოდ რომელიმე პირის ბრალეულობა, არამედ საერთოდ ვერ დაადგინეს, მოხდა თუ არა გიორგი შაქარაშვილის მკვლელობა. ერთადერთი რაც საქმეში დადგენილია არის ის, რომ შაქარაშვილი გარდაცვლილია“, - განაცხადა ნემსიწვერაძემ.

შეგახსენებთ, რომ დღეს გიორგი შაქარაშვილის განზრახ მკვლელობის საქმეზე ბრალდებული ხუთი პირის პროცესი გაიმართება.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან