„ერთი კვირის წინ, მომცეს უფლება ტელევიზორი შემეძინა. ეს იყო იმის მანიშნებელი, რომ არავინ აპირებდა ჩემს გამოშვებას, - ამის შესახბე თბილისის ყოფილმა მერმა გიგი უგულავამ თბილისის საქალქო სასამართლოში ტელეიმედის საქმეზე მიმდინარე პროცესზე განაცხადა.

უგულავას თქმით, მისი პატიმრობაში დარჩენის გადაწყვეტილება ბიძინა ივანიშვილმა მიიღო.

მისივე თქმით, შესაძლოა მან საკონსტიტუციო სასამართლო გადაყწვეტილების სიკეთით ვერ ისარგებლოს, თუმცა როგორც მან აღნიშნა, ამ ეტაპზე მას არ აღელვებს.

დედაქალაქის ყოფილი მერის განცხადებით, მთავარია, რომ მათ ბრძოლას აზრი ყოველთვის ჰქონდა და მომავალშიც ექნება.

„სიმშვიდისკენ მინდა ყველას მოგიწოდოთ. ყველას ხშირად ნერვები გვეშლება, მაგრამ ერთადერთი იარაღი, ხელისუფლებიდან ივანიშვილის ჩამოშორების არის სიმშვიდე. ივანიშვილი არის არაფორმალური მმართველი. საკონოსტიტუციო სასამართლოს გადაწყვეტილებამდე ძალიან სასაცილო ისტორია მოხდა. ერთი კვირით ადრე ცნობილი გახდა, რა განზრახვა აქვს ივანიშვილს, ერთი კვირის წინ მომცეს უფლება ტელევიზორი შემეძინა. ეს იყო იმის ინდიკატორი, რომ არავინ არ აპირებდა ჩემს გამოშვებას. დანამდვილებით ვიცი, რომ ის გადაწყვეტილება მიიღო ივანიშვილმა შოთაძესთან საუბრისას. ჩემი პატიმრობა წინასწარ განზრახულია, რომელიც ალბათ დარჩება პატიმრობად, თუმცა ზოგიერთი მოსამართლის გამბედაობა მაძლევს საფუძველს, იმედს და მოტივაციას, რომ არც მე ვიყოყმანო და არ დავიხიო უკან. გუშინდელი გადაწყვეტილებით შეიძლება მე ვერ ვისარგებლო, მაგრამ ამას არ აქვს არანაირი მნიშვნელობა. ჩემი პატიმრობა არის ჩემი გადაწყვეტილება იმ გაგებით, რომ არ გავიქეცი და ზუსტად ვიცოდი რომ ივანიშვილი დამაპატიმრებდა. კიდევ ვიმეორებ, შეიძლება ამ გადაწყვეტილების სიკეთით ვერ ვისარგებლო, მაგრამ ამ ეტაპზე ეს არ მაღელვებს. ამ გადაწყვეტილების შემდეგ ვიცი, რომ მოსამართლეებო ვეღარ გააგრძელებთ 9 თვიან წინასწარ პატიმრობას, რადგან გუშინდელ გადაწყვეტილებას ვერ გაექცევით. ჩვენს ბრძოლას აზრი აქვს და ჰქონდა, ექნება კიდეც, სანამ ცოცხლები ვართ, უნდა ვიბრძოლოთ. სრულიად უსუსურია სირაქლემას პოზიცია, რასა ვაკვირდები გუშინდლიდან აღმსარულებელი ხელისუფლების მხრიდან“, - განაცხადა გიგი უგულავამ.

ცნობისთვის ტელეიმედის საქმეზე ამ წუთებში თბილისის საქალაქო სასამართლოში გიგი უგულავას პროცესი მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები