მთაწმინდის რაიონში, ჟვანიას ქ. N3-ში, ოლივერ უორდროპის სკვერის რეაბილიტაცია დაიწყო. სამუშაოები მთაწმინდის რაიონის გამგეობის დაკვეთით მიმდინარეობს.

პროექტის ფარგლებში, 1 800 კვ. მ ფართობზე მოეწყობა ბავშვთა გასართობი ზონები, მოსასვენებელი პავილიონი, დამონტაჟდება გარე განათებისა და სარწყავი სისტემები, განახლდება არსებული შადრევანიც.  ასევე, განთავსდება სკვერისთვის საჭირო სხვა ინფრასტრუქტურა. სკვერის ტერიტორიაზე ჩატარდება გამწვანების მასშტაბური სამუშაოებიც.

მიმდინარე სამუშაო პროცესს მთაწმინდის რაიონის გამგებელი, დავით კირკიტაძე გაეცნო.

„ჩვენს ქალაქში აუცილებელია მსგავსი სივრცეების არსებობა. შესაბამისად, ჩვენ მაქსიმალურად ვცდილობთ მთაწმინდის რაიონში არც ერთი უბანი არ დარჩეს სკვერისა და რეკრეაციული სივრცეების გარეშე. ახალი სკვერების მოწყობის პარალელურად, უკვე არსებულ სკვერებსაც ვუტარებთ სრულ რეაბილიტაციას. ოლივერ უორდროპის სახელობის  სკვერიც ევროპული სტანდარტების გათვალისწინებით სრულად განახლდება, რომელიც გათვლილი იქნება ყველა ასაკის ადამიანზე.  სარეაბილიტაციო სამუშაოები კი, ოქტომბრის ბოლოს დასრულდება“, - განაცხადა დავით კირკიტაძემ.

ინფრასტრუქტურული სამუშაოებისთის ადგილობრივი ბიუჯეტიდან 468 377 ლარი გამოიყო.

ავტორი: NS (სტატია დაფინანსებულია),

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს