"ეს გარკვეული მატება, რომელიც აჭარაში დაფიქსირდა, განგაშის საფუძველს არ იძლევა, – ამის შესახებ თბილისის ინფექციური პათოლოგიისა და შიდსის ცენტრის ხელმძღვანელმა, თენგიზ ცერცვაძემ ჟურნალისტებს ბათუმში განუცხადა.

მისივე თქმით, ქვეყანაში კორონავირუსის მიკროაფეთქებები არ გასცდენია იმ ზღვარს, რომ ვირუსის ფართო გავრცელებაზე ფიქრის საფუძველი შექმნილიყო.

„ეს გარკვეული მატება, რომელიც აჭარაში დაფიქსირდა, განგაშის საფუძველს არ იძლევა. ეს გარდაუვალია, როდესაც კოვიდის პანდემიის გარემოცვაში ვცხოვრობთ, როდესაც მთელ მსოფლიოში ახალი შემთხვევების რაოდენობა იზრდება, როდესაც მთელ სამეზობლოში ვერაფრით ვერ მიაღწიეს ინფექციის კლებას.

მე ყურადღებით ვაკვირდები და ეს მიკროაფეთქებები და ლოკალურ მატებები არ გასცდენია იმ ზღვარს, რომლის შემდეგაც ჩვენ შეიძლება ვიფიქროთ, რომ ქვეყანაში ფართო გავრცელებას ექნება ადგილი. საქართველომ, სხვა ქვეყნებთან შედარებით, კოვიდთან ბრძოლაში დიდ წარმატებას მიაღწია როგორც შემთხვევების სიმცირის, ისე გარდაცვლილთა სიმცირის მხრივ, ევროპაში ყველაზე დაბალი მაჩვენებელი აქვს საქართველოს“, – განაცხადა თენგიზ ცერცვაძემ.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო