შუახევის მერმა ფრიდონ ფუტკარაძემ სკოლამდელი სააღმზრდელო ინფრასტრუქტურული პროექტების პრეზენტაცია გამართა, რომლის ფარგლებშიც დღვანსა და მახალაკიძეებს უახლოეს პერიოდში, ახალი თანამადეროვე სტანდარტების ბაგა-ბაღი ექნება.

შუახევის მერიამ ობიექტების მშენებლობისთვის ელექტრონული ტენდერი უკვე გამოცხადა, რომლის დასრულების შემდეგ ხელშეკრულებით გათვალისწინებულ ვადებში სამშენებლო სამუშაოები დაიწყება.

თანამედროვე სტანდარტების შესაბამისი ბაგა-ბაღი აშენდება დღვანში. სამუშაოების დასრულების შემდეგ, საჭირო ტექნიკითა და ინვენტარით კეთილმოწყობილი, შშმ პირთათვის ადაპტირებული და ცენტრალური გათბობით უზრუნველყოფილი, 2 ჯგუფზე გათვლილი სააღმზრდელო დაწესებულება, 30-მდე აღსაზრდელს მოემსახურება.

მახალაკიძეების ბაგა-ბაღის განსათავსებლად სოფელში არსებულ ადმინისტრაციულ შენობას ჩაუტარდება სრული რეაბილიტაცია, დაგეგმილია შენობის გაფართოებაც. მოეწყობა საძინებლები, გასართობი ოთახები, სველი წერილები, სამზარეულო, დამონტაჟდა ცენტრალური გათბობის თანამედროვე სისტემა და შენობა ადაპტირებული იქნება შშმ პირთათვის.

პროექტის ფარგლებში კეთილმოეწყობა ორივე ბაღის ეზო, დამონტაჟდება ატრაქციონები.

ფრიდონ ფუტკარაძის განცხადებით, სკოლამდელი აღზრდის დაწესებულების მშენებლობა უზრუნველყოფს პატარებისთვის სკოლამდელი განათლების ხელმისაწვდომობას და ახალი სამუშაო ადგილების შექმნას.

ავტორი: NS (სტატია დაფინანსებულია),

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?