2020-07-31 23:22:15, 3783 ნახვა

---

ანა დოლიძე - „ქართულ ოცნებას“ არ უნდა მივცეთ იმის უფლება, რომ ქვეყნის სტაგნაცია მუდმივად დააბრალოს „ნაციონალურ მოძრაობას“

„ქართულ ოცნებას“ არ უნდა მივცეთ იმის უფლება, რომ ქვეყნის სტაგნაცია მუდმივად დააბრალოს „ნაციონალურ მოძრაობას“ , - ამის შესახებ ტელეკომპანია „რუსთავი 2“- ის ეთერში ანა დოლიძემ განაცხადა.

მან ასევე აღნიშნა, რომ ორპოლუსიანობის დანგრევა სახელმწიფოებრივი ამოცანაა.

"პირველი, მე ვფიქრობ, რომ სახელმწიფოებრივი ამოცანაა ამ ორპოლუსიანობის დანგრევა. "ქართულ ოცნებას" არ უნდა მივცეთ იმის უფლება, რომ ქვეყნის სტაგნაცია მუდმივად დააბრალოს "ნაციონალურ მოძრაობას".

მეორე, რამდენადაც ეს ქვეყანა იქნება დემოკრატიული, მნიშვნელობა მიენიჭება ხალხის დაკვეთას. თუ ეს ქვეყანა დარჩება დემოკრატიად იქნება ტელევიზიები, იქნება ახალი სახეები პოლიტიკაში და იქნება იმის შესაძლებლობა, ადამიანებმა ბიულეტენში რაღაც გვარი შემოხაზონ, მაშინ ეს ხალხის დაკვეთა გაიმარჯვებს საბოლოო ჯამში.

თუნდაც ახლა, ეს სიმბოლური ფაქტი, ეროვნული მნიშვნელობის ეთერია და მე ერთი დამოუკიდებელი მაჟორიტარი ვარ აქ და ვსაუბრობ იმაზე, რომ დავასრულო ეს დღის წესრიგი,"- განაცხადა ანა დოლიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი