თელავის მუნიციპალიტეტის სოფელ ყარაჯალაში 10 თვის ბავშვს კორონავირუსი დაუდასტურდა.

ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსმა ნელი ხიზაშვილმა განაცხადა.

მისივე  ინფორმაციით, ჩვილი თელავში ბავშვთა კლინიკაში მკურნალობდა, სადაც კორონავირუსისთვის დამახასიათებული სიმპტომების გამო, ექიმებმა მისთვის ვირუსზე ტესტის აღება გადაწყვიტეს.

ამ ეტაპზე სოფელში ეპიდემიოლოგები მუშაობენ და დამატებითი კონტაქტების მოძიება მიმდინარეობს.

11 ადამიანის ანალიზი ლუგარის ლაბორატორიაში უკვე გაიგზავნა და პასუხები ხვალ დილით გახდება ცნობილი.

ჯერჯერობით ბავშვის ინფიცირების წყარო უცნობია. მას მკურნალობა თბილისის ინფექციურ საავადმყოფოში უტარდება.

ავტორი: ექსპრესნიუსი,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება