საქართველოს ჯანდაცვისა და სოფლის მეურნეობის სამინისტროების პროგრამით, სურსათის ეროვნული სააგენტო ფოთში ტრანსმისიური მწერების (კოღოს) საწინააღმდეგო შეწამვლის ღონისძიებებს ახორციელებს.

ფოთის მერიის ინფორმაციით, პირველი ეტაპი ივლის-აგვისტოში ჩატარდა. ამჯერად, მეორე ეტაპის რეალიზებას სპეციალური ჯგუფები ახორციელებენ.

სურსათის ეროვნული სააგენტოს მობილური რეაგირების ჯგუფის უფროსის თემურ გაბრიჩიძის ინფორმაციით, მეორე ეტაპი ითვალისწინებს ბიოლოგიური პრეპარატ ,,ვექტობაგი-12''-ით საცხოვრებელი კორპუსების სარდაფებისა და სადარბაზოების, ასევე, არხებისა და სხვა კომუნიკაციების შესხურებით დამუშავებას. პრეპარატის შესხურება წარმოებს ,,სკაუტ-36'' აგრეგატით. პრეპარატით კოღოს კვერცხების ლიკვიდაცია ხდება, ,,ვექტობაგი'' აბსოლუტურად უსაფრთხოა ადამიანის ჯანმრთელობისათვის. მეორე ეტაპის შეწამვლითი პროცესი 9 აპრილის ხეივნის კორპუსებში ფოთის მერმა ირაკლი კაკულიამ და საკრებულოს თავმჯდომარემ ალექსანდრე თოფურიამ დაათვალიერეს. ქალაქის ხელმძღვანელები ღონისძიების ეფექტურობით დაინტერესდნენ.

მესამე ეტაპის შეწამვლა სექტემბრის შუა რიცხვებში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას