აქცია სარფის საბაჟოსთან - თურქეთში დასაქმებული საქართველოს მოქალაქეები საზღვრის გახსნას ითხოვენ

2020-07-01 14:06:53, 2066 ნახვა

საზოგადოება

თურქეთში დასაქმებულმა საქართველოს მოქალაქეებმა, სარფის საბაჟო-გამშვებ პუნქტთან საპროტესტო აქცია მოაწყვეს.

მომიტინგეები საქართველო-თურქეთის საზღვრის გახსნას ითხოვენ.

როგორც ერთ-ერთმა აქტივისტმა ჟურნალისტებთან საუბრისას განაცხადა, რა მნიშვნელობა აქვს, მშიერი მოკვდება თუ ვირუსი მოკლავს.

"ყოველ დღე გადავდიოდით, რომ სახლში 10 ლარი მოგვეტანა. 5 სულიანი ოჯახის პატრონი ვარ, ავადმყოფი, წამლები მჭირდება. აქამდე ყოველ დღე გადავდიოდით საზღვარზე სახლში, რომ ორი კაპიკი მოგვეტანა. გასაგებია, რომ ვირუსთან ერთად ცხოვრება უნდა ვისწავლო, დაგვიწესონ კონტროლი და გაგვიხსნან საზღვარი, რა მნიშვნელობა აქვს მშიერი მოვკვდები თუ კორონავირუსისგან. არავითარი კომპენსაცია არაფერი მიგვიღია, ერთხელაც გულთან არავის მიუტანია, ერთხელ პროდუქტი არავის მოუტანია", - განაცხადა ერთ-ერთმა აქტივისტმა.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან