„მისი ხელმძღვანელობით ჩვენი ქვეყანა ამაყობს - ჩემთვის გიორგი გახარია სიის სათავეში მისაღებია“ , - ამის შესახებ „ქართული ოცნების“ ოფისში შეკრების დასრულების შემდეგ უმრავლესობის წევრმა მამუკა მდინარაძემ განაცხადა.

მან ასევე აღნიშნა, რომ შეკრებაზე მეტი ყურადღება მაჟორიტარებს დაეთმო და მათ მოსახლეობას უახლოეს დღეებში წარუდგენენ.

„უფრო მეტი კონსულტაცია გვქონდა მაჟორიტარებთან დაკავშირებით, იმიტო, რომ მაჟორიტარული კანდიდატების წარდგენას უფრო ადრე ვაპირებთ.  ანუ საზოგადოებას მათ უფრო მალე წარვუდგენთ, ვიდრე სიის ფორმირებაზე იქნება საუბარი. ნებისმიერ შემთხვევაში მამუკა მდინარაძისთვის გიორგი გახარია სიის სათავეში მისაღებია და მე ვფიქრობ, რომ ის არის ღირსეული ადამიანი, რომელმაც ბევჯერ ჩააბარა გამოცდა ქართული საზოგადოების წინაშე, განსაკუთრებით ბოლო პერიოდში ის აღმოჩნდა, ბევრისთვის გასაკვირადაც კი იმდენად კარგი კრიზის მენეჯერი, რომ მისი ხელმძღვანელობით ჩვენი ქვეყანა ამაყობს იმ მიღწევებით, რაც Covid-19-თან დაკავშირებით შეგვიძლია ვისაუბროთ. ანუ აღმოჩნდა იმ მენეჯერული სისტემის სათავეში, საიდანაც მოახერხა ის, რაც ვერ მოახერხა ჩვენზე გაცილებით ძლიერმა ბევრმა ქვეყანამ“ , - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ