„ლელო საქართველოსთვის“ ლიდერმა, მამუკა ხაზარაძემ განაცხადა, რომ გიორგი მარგველაშვილისა და მისი პარტიის პოზიციები ერთმანეთს ემთხვევა.

კითხვაზე, შესაძლებელია თუ არა გიორგი მარგველაშვილი „ლელოს“ რიგებში ვიხილოთ, ხაზარაძემ უპასუხა, რომ მაგას ვნახავთ.

„მაგას ვნახავთ, როგორც კი იქნება რაღაცა მსგავსი ბუნებრივია შეგატყობინებთ“, - აღნიშნა ხაზარაძემ.

მანვე აღნიშნა, რომ მარგველაშვილთან კონკრეტული მოლაპარაკებები ჯერჯერობით არ აქვთ, უბრალოდ აზრებს უზიარებენ ერთმანეთს.

„ჩვენ გვაქვს საუბარი ყველა ჯანსაღ ადამიანთან, ყველა ჯანსაღ პოლიტიკოსთან. ჩვენი აზრები იმასთან დაკავშირებით, რომ ქვეყანა არის ჩიხში შესული, იმასთან დაკავშირებით, რომ ქვეყანა მიაძინა „ქართულმა ოცნებამ“, არის აბსოლუტურად თანხვედრაში.

შესაბამისად, გიორგი მარგველაშვილისა და ჩვენი პოზიციები ემთხვევა ერთმანეთს. კონკრეტული მოლაპარაკებები არ გვაქვს, უბრალოდ აზრებს ვუზიარებთ ერთმანეთს და თუ რამე კონკრეტული იქნება შეგატყობინებთ“, - განაცხადა ხაზარაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ