2020-06-03 16:20:01, 2881 ნახვა

---

ადვოკატის განმარტებით, პროკურატურის მიმართვის შემთხვევაში, გიორგი რურუა მზადაა, თორაძეების საქმეზე შეკითხვებს უპასუხოს

„მთავარი არხის“ ერთ-ერთი მეწილის, ბრალდებულ გიორგი რურუას ადვოკატის, დიმიტრი საძაგლიშვილის განცხადებით,  პროკურატურის მიმართვის შემთხვევაში, გიორგი რურუა მზადაა, თორაძეების საქმეზე შეკითხვებს უპასუხოს.

მისი თქმით, აღნიშნულ საკითხზე მათთან კომუნიკაცია არავის ჰქონია.

„თუკი, კითხვები ექნებათ და ოფიციალური მომართვა მოხდება საგამოძიებო ორგანოების მხრიდან, ცხადია, ჩვენ ყველა კითხვას აუცილებლად პასუხს გავცემთ“, -განაცხადა საძაგლიშვილმა.

ცნობისთვის, თორაძეების ოჯახის მკვლელობის საქმეზე, რომელშიც გიორგი რურუა ფიგურირებს, საქართველოს გენერალურმა პროკურატურამ ამერიკის შეერთებული შტატების შესაბამის ორგანოებს სამართლებრივი დახმარებისთვის მიმართა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი