კანონპროექტზე მუშაობა, რომელიც თავშეყრის ადგილას პირბადის გარეშე ყოფნის შემთხვევაში ჯარიმის გამოწერას ითვალისწინებს, უკვე დაიწყო

2020-06-02 10:15:36, 1355 ნახვა

პოლიტიკა

იურიდიულ და ჯანდაცვის საკითხთა კომიტეტები მუშაობენ კანონპროექტზე, რომელიც თავშეყრის ადგილას პირბადის გარეშე ყოფნის შემთხვევაში ჯარიმის გამოწერას ითვალისწინებს.

პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა, რომ აღნიშნულ კანონპროექტს სავარაუდოდ მომდევნო კვირაში მიიღებენ.

„იურიდიულ საკითხთა კომიტეტში დავიწყეთ მუშაობა ამ პროექტის შემუშავებასთან დაკავშირებით. ჩვენ გვსურს, რომ მაქსიმალურად სწრაფად დავაინიციროთ ეს პროექტი იმისთვის, რომ დეტალურად გავწეროთ რა ტიპის დარღვევებია ყველაზე ხშირი და ამ დარღვევების შემთხვევაში რა ტიპის სანქცია შეიძლება იყოს გათვალისწინებული. აქ საუბარია იმაზე, რომ პასუხისმგებლობა და სანქცია იყოს ისეთი, რომელიც არ იქნება საზოგადოებისთვის დიდი ტვირთი“, - განაცხადა ანრი ოხანაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან