2020-05-29 13:45:14, 1308 ნახვა
საზოგადოება
პირველი მიკრორაიონის N14-21 კორპუსების მიმდებარედ სკვერის რეაბილიტაცია მიმდინარეობს
გლდანის პირველი მიკრორაიონის N14-N15-N21 კორპუსების მიმდებარედ არსებულ სკვერს სრული რეაბილიტაცია უტარდება.
სარეაბილიტაციო სამუშაოები დაახლოებით, 2 000 კვადრატულ მეტრ ფართობზე მიმდინარეობს. პროექტის შედეგად, ეწყობა ბავშვთა გასართობი ზონები, მოსასვენებელი პავილიონი, გარე განათებისა და სარწყავი სისტემები, ასევე, განთავსდება სკვერისთვის საჭირო სხვა ინფრასტრუქტურა. ტერიტორიაზე ჩატარდება გამწვანების სამუშაოებიც.
აღნიშნულ პროექტს, გლდანის რაიონის გამგეობის დაკვეთით, შპს „არბა“ ასრულებს, რისთვისაც გამგეობის ბიუჯეტიდან 241 110 ლარია გათვალისწინებული.
სამუშაოებს გლდანის გამგებელი ბექა მიქაუტაძე ადგილზე გაეცნო.
ავტორი: NS (სტატია დაფინანსებულია),
epn.ge (@expressnews.ge)
