პრეზიდენტი - უგულავას და ოქრუაშვილის შეწყალებამდე ბიძინა ივანიშვილი, გიორგი გახარია და არჩილ თალაკვაძე წინასწარ გავაფრთხილე

2020-05-19 19:23:31, 1496 ნახვა

პოლიტიკა

საქართველოს პრეზიდენტის სალომე ზურაბიშვილის განცხადებით, მან გადაწყვეტილება ირაკლი ოქრუაშვილისა და გიგი უგულავას გათავისუფლებაზე პრემიერ-მინისტრ გახარიას, ფრაქცია "ქართული ოცნების" თავმჯდომარე ბიძინა ივანიშვილსა და პარლამენტის თავმჯდომარე, არჩილ თალაკვაძეს წინასწარ შეატყობინა.

მისივე თქმით, აღნიშნული გადაწყვეტილება მან დამოუკიდებლად მიიღო.

"სრულიად დამოუკიდებლად მივიღე ეს გადაწყვეტილება. ძალიან დიდხანს ვფიქრობდი ამ გადაწყვეტილებაზე, მაგრამ როცა უკვე ჩემში დავრწმუნდი, რომ ეს გადაწყვეტილება საჭირო იყო, გადაწყვეტილების გაჟღერებამდე შევატყობინე. შევატყობინე იმ შტოებს, ქვეყნის ინსტიტუტებს, იმიტომ, რომ არ შეიძლება ასეთი გადაწყვეტილება იყოს სრულიად მოულოდნელი. კონკრეტულად, პარლამენტის თავმჯდომარეს, პრემიერს და "ოცნების" თავმჯდომარეს, ბიძინა ივანიშვილს,"- განაცხადა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან