ივანიშვილმა უნდა შეასრულოს პირობა და გამოუშვას პოლიტპატიმრები, თუნდაც ნუ დაარქმევს მათ პოლიტპატიმრებს, - ამის შესახებ „ევროპული საქართველოს“ წევრამ გიგა ბოკერიამ განაცხადა.

მისი თქმით, აღნიშნულ საკითხზე აშშ-ის და საქართველოს ყველა მეგობრის აზრი ერთი და იგივეა.

„საქართველოს და არა რომელიმე ხელისუფლების დიდი ხნის მეგობარმა, სენატის საგარეო კომიტეტის თავმჯდომარემ, ჯიმ რიშმა გუშინ საკუთარი განცხადება და საელჩოს განცხადება გაავრცელა ერთად და ეს ბუნებრივია, რადგან აშშ-ის და საქართველოს ყველა მეგობრის, ქართული საზოგადოების დიდი ნაწილის აზრი ერთი და იგივეა. ივანიშვილმა უნდა შეასრულოს პირობა, რაც დადო ქართული საზოგადოებისა და საქართველოს მეგობრების წინაშე და უნდა გამოუშვას პოლიტპატიმრები, თუნდაც ნუ დაარქმევს მათ პოლიტპატიმრებს. უნდა შეცვალოს საარჩევნო სისტემა და მერე უნდა ჩავატაროთ მაქსიმალურად ნორმალური არჩევნები. თუ კითხვა არის, შეიძლება თუ არა სანქციები ავტორიტარულ რეჟიმებს დაეკისროთ რაღაც ეტაპზე საშუალო რგოლს, ხოლო შემდეგ მაღალ რგოლს, დიახ, ეს ხდება ხოლმე, მომხდარა ჩვენს სამეზობლოში, მოხდა მოლდოვასა და უკრაინაში“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა