თურქეთში არსებული დაძაბული ვითარების მიუხედავად, საქართველოდან თურქეთის კურორტებზე დასვენების მსურველების რაოდენობა არ შემცირებულა.

როგორც „ექსპრესნიუსს“ ტურისტულ კომპანიებში განუცხადეს, თურქეთის მიმართულება წელსაც აქტუალურია და რეისების ან ჯავშნების გაუქმების შემთხვევები არ ყოფილა.

ამასთან, როგორც ტურისტულ სააგენტოებში აცხადებენ, თურქეთის მიმართულებაზე არანაირი შეზღუდვა არ ვრცელდება.

„საკურორტო ადგილებში დაძაბულობა არ არის და არანაირი შემცირება და შეზღუდვა არ ვრცელდება. ადგილები არაა არც თვითმფრინავის რეისებზე და არც სასტუმროებში“, - განაცხადეს „ანტალია სერვისში“.

„უახლოეს რეისებზე ადგილები აღარაა და საკმაოდ კარგად იყიდება თურქეთის მიმართულება წელსაც. არეულობასთან დაკავშირებით თავიდან იყო პრობლემები, მაგრამ როგორც გაირკვა ტურისტულ ზონასთან არანაირი პრობლემა არაა. საელჩოშიც დავრეკეთ და ეს შემთხვევები ტურისტული ზონიდან საკმაოდ დაშორებით ხდება და და არ უქმნის ხოლმე დისკომფორტს ტურისტებს“, - განაცხადეს „გუდ თრეველში“.

თურქეთის კურორტებზე მაღალ მოთხოვნაზე საუბრობენ „გოლდ თრეველშიც“.

ცნობისთვის, დღეს თურქეთის სამხრეთ–აღმოსავლეთ პროვინცია სიირთში აფეთქებას 8 ჯარისკაცის სიცოცხლე ემსხვერპლა. თურქეთში ვითარება 20 ივლისის შემდეგ დაიძაბა, როდესაც ისლამურმა სახელმწიფომ მის საზღვრებზე ტერაქტი მოაწყო. ბოლო ერთი თვის განმავლობაში დაძაბულობას 60–მდე პოლიციელი და სამხედრო შეეწირა. ქვეყანაში არასტაბილური ვითარების გამო კი, თურქულ კურორტებზე განთავსებულმა სასტუმროებმა წინასწარი რეზერვაციის პროცედურა გააუქმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები