საქართველოს პარლამენტის თავდაცვისა და უშიშროების კომიტეტის თავმჯდომარის, ირაკლი სესიაშვილის განცხადებით, „დეილი მეილის“ მიერ გავრცელებულ ინფორმაციას საქართველოს შესაბამისი სტრუქტურები არ ადასტურებენ.

„ეს არის ჩვენი ოპონენტების მავნებლური სერიიდან, რომელთაც ძალიან სურთ, რომ საქართველოს იმიჯი დაზიანდეს, ქვეყანა სკანდალში გაეხვიოს და ამის აჟიტირებას ეწევიან. თუ „დეილი მეილით“ გავრცელებული ინფორმაცია რეალური იქნებოდა, საქართველოს შესაბამისი სტრუქტურები ინფორმირებულები იქნებოდნენ, რადგან ჩვენი შესაბამისი სტრუქტურები მჭიდროდ თანამშრომლობენ ბრიტანელ კოლეგებთან და ამის კარგი გამოცდილება გვაქვს, როცა რუსეთმა საქართველოზე კიბერთავდასხმა განახორციელა. ამ ინფორმაციას შესაბამისი სტრუქტურები არ ადასტურებენ. ჩვენს ოპონენტებს მორიგჯერ იმედები უნდა გავუცრუოთ, რომ საქართველო არანაირად არ ფიგურებს ამ ნეგატიურ მოვლენაში, თუმცა ეს არის მათი სურვილი“, – განაცხადა სესიაშვილმა.

„Daily Mail” სკანდალურ გამოძიებას აქვეყნებს - ბრიტანული გამოცემის მტკიცებით  საქართველოში კრემლის უსაფრთხოების სამსახურებთან დაკავშირებული ჰაკერული ჯგუფი მოქმედებს. 

 სტატიის თანახმად, ჰაკერებმა დიდი ბრიტანეთის ლაბორატორიიდან, სადაც კოვიდ-19-ზე სამეცნიერო კვლევები მიმდინარეობდა, სამედიცინო კვლევების შესახებ ინფორმაციები მოიპარეს და  ამ მონაცემების დაბრუნების სანაცვლოდ 2 მილიონ ფუნტს ითხოვენ.  მოპარულია ინფორმაციებს შორისაა პირადი სახის მონაცემებიც. 

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა