კლინიკებთან მიმართებაში სახელმწიფოს მიდგომა არის როგორც სერვისების, ასევე მედპერსონალის ფინანსური და სამუშაო პირობების გაუმჯობესებისკენ მიმართული - ამის სესახებ, ჯანდაცვის მინისტრმა ეკატერინე ტიკარაძემ განცხადა.

მან ასევე აღნიშნა, რომ ისეთი რთული პროცესების ფონზე, რომელიც საავადმყოფოებში იკვეთება, შეუძლებელია, ერთ და ორ თვეში დაიდოს სათანადო სტრატეგიული გეგმა, რომელიც საავადმყოფოებს საუკეთესო გამოსავალამდე მიიყვანს.

„თქვენთვის სავარაუდოდ ცნობილი უნდა იყოს, რომ ჰოლდინგში ბავშვთა ინფექციური საავადმყოფოს, ონკოლოგიურისა და რესპუბლიკური საავადმყოფოს იურიდიულად გადმოცემა მოხდა მარტში. აქედან გამომდინარე, გვესაჭიროება გარკვეული დრო, რომ დეტალურად შევისწავლოთ ამ საავადმყოფოების მართვაში არსებული ყველა ხარვეზი. ხარვეზების შესწავლის შემდეგ უკვე დაიგეგმება, თუ როგორი იქნება მართვა და ასევე, რა პროცესები განვითარდება ამ საავადმყოფოებთან მიმართებაში. თუმცა, სახელმწიფოს მიდგომა ცალსახად არის მხოლოდ და მხოლოდ როგორც სერვისების, ასევე თითოეული მომუშავე პერსონალის როგორც ფინანსური, ასევე სამუშაო პირობების გაუმჯობესების კუთხით.

დამერწმუნებით, ისეთი გლობალური პრობლემების ფონზე, როგორიც არის კოვიდ ინფექცია და ასევე, ისეთი რთული პროცესების ფონზე, რომელიც ამ საავადმყოფოებში იკვეთება, შეუძლებელია, ერთ და ორ თვეში დაიდოს სათანადო სტრატეგიული გეგმა, რომელიც ამ საავადმყოფოებს მიიყვანს საუკეთესო გამოსავლამდე და მნიშვნელოვნად გააუმჯობესებს მათ პირობებს. აქ იკვეთება არა მხოლოდ ის ხარვეზი, რომ პერსონალის ანაზღაურება ხდება საათობრივად, მაშინ, როდესაც მათი შესრულების კომპონენტი არის ძალიან დაბალი და ეს იწვევს გარკვეულწილად უთანასწორობას შემოსავლებსა და გასავლებში. ეს ფინანსისტების მხრიდან დეტალურად შესასწავლია. ყოველივე ამის განხილვის შემდეგ, სახელმწიფო გეგმავს მნიშვნელოვან ინვესტიციებს ამ საავადმყოფოებში და ამის შემდეგ, უკვე შეგვეძლება, ვისაუბროთ იმაზე, არის თუ არა სახელმწიფოს მიდგომა სწორი“, – განაცხადა ტიკარაძემ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა