2020-04-18 10:46:14, 1463 ნახვა
საზოგადოება
საქართველოში დღეს წმინდა ცეცხლს ჩამოიტანენ
დღეს საქართველოში წმინდა ცეცხლს ჩამოიტანენ.
როგორც „ექსპრესნიუსს“ საგარეო საქმეთა სამინისტროში განუცხადეს, წმინდა ცეცხლის ჩამოტანა იმ სპეციალური რეისით მოხდება, რომელიც საქართველოს მოქალაქეების ჩამოსაყვანად თელ-ავივიდან თბილისის მიმართულებით დღეს შესრულდება.
„ამ რეისით, ისრაელში საქართველოს საელჩოს ორგანიზებით, მოხდება წმინდა ცეცხლის ჩამოტანა იერუსალიმიდან საქართველოში. საქართველოს ელჩი წმინდა ცეცხლს უშუალოდ გადასცემს საქართველოს საპატრიარქოს წარმომადგენლებს, რომლებიც თვითმფრინავს თბილისიდან გაჰყვებიან“, - აცხადებენ საგარეო უწყებაში.
ავტორი: ექსპრესნიუსი,
epn.ge (@expressnews.ge)
