დევნილთა, ეკომიგრანტთა და საარსებო წყაროებით უზრუნველყოფის სააგენტო იძულებით გადაადგილებული ოჯახების დახმარებას აგრძელებს. ამ ეტაპზე, სურსათი და ჰიგიენური საშუალებები სამეგრელო-ზემო სვანეთის რეგიონში მცხოვრებ ოჯახებს გადაეცათ.

სააგენტოს ბიუჯეტში დევნილი ოჯახების დახმარების მიზნით 100 000 ლარამდე გამოიყო. ამ ეტაპზე, დევნილთა სააგენტო იმ ოჯახებს ეხმარება, რომლებსაც სახელმწიფოს მხარდაჭერა ყველაზე მეტად სჭირდებათ.  

სურსათისა და ჰიგიენური საშუალებების ნაკრებს მრავალშვილიანი ოჯახები, მარტოხელა მშობლები, შეზღუდული შესაძლებლობების მქონე პირები და ონკოლოგიური ავადმყოფები იღებენ.  ამასთან, აღნიშნული დევნილი ოჯახები რეგისტრირებულები არიან სოციალურად დაუცველთა მონაცემთა  ბაზაში და მინიჭებული აქვთ 30 001-ზე ნაკლები ქულა.

სამეგრელო-ზემო სვანეთის რეგიონში მცხოვრებ დევნილ ოჯახებს საკვები პროდუქტები და პირველად მომხმარების ნივთები სააგენტოს დირექტორის მოადგილემ გიორგი მანჯავიძემ და ზუგდიდის მუნიციპალიტეტის მერის პირველმა მოადგილემ გიგა ფარულავამ გადასცეს.

საკვებ პროდუქტებსა და პირველადი მოხმარების ნივთებს, საქართველოს მასშტაბით, ჯამში,  1050 დევნილი ოჯახი მიიღებს.

ავტორი: NS (სტატია დაფინანსებულია),

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?