დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა სოციალურად დაუცველ, მრავალშვილიან დევნილ ოჯახებს  სურსათი და ჰიგიენური საშუალებები გადასცა.

იძულებით გადაადგილებული ოჯახების დახმარების მიზნით,  დევნილთა სააგენტოს ბიუჯეტში 100 000 ლარამდე გამოიყო. სააგენტოს დირექტორის განცხადებით, საკვებ პროდუქტებსა და პირველადი მოხმარების ნივთებს, საქართველოს მასშტაბით, 1050 დევნილი ოჯახი მიიღებს.

„ქვეყანაში შექმნილი ვითარებიდან გამომდინარე,  იმ დევნილ ოჯახებს ვეხმარებით, რომლებსაც სახელმწიფოს მხრიდან მზრუნველობა ყველაზე მეტად ესაჭიროებათ. დღეს, ჩვენ საკვები პროდუქტი და ჰიგიენური საშუალებები მრავალშვილიან დევნილ ოჯახებს გადავეცით, რომელთა სოციალური ქულაც 30 000-ს არ აღემატება.                       

თხოვნით მივმართავ იძულებით გადაადგილებულ პირებს, დაიცვან ჯანდაცვის სამინისტროს რეკომენდაციები, რათა ერთად შევძლოთ  ვირუსის დამარცხება“, - განაცხადა ბესარიონ სიმონიშვილმა.  

ამ ეტაპზე, არსებული საჭიროებების გათვალისწინებით,  დახმარებას მრავალშვილიანი ოჯახები მარტოხელა მშობლები, შეზღუდული შესაძლებლობების მქონე პირები და ონკოლოგიური ავადმყოფები იღებენ.  ამასთან, აღნიშნული დევნილი ოჯახები რეგისტრირებულები არიან სოციალურად დაუცველთა მონაცემთა  ბაზაში და მინიჭებული აქვთ 30 001-ზე ნაკლები ქულა.

დევნილი ოჯახებისთვის განკუთვნილი სურსათი და ჰიგიენური საშუალებები როგორც თბილისში, ისე რეგიონებში, უსაფრთხოების წესების სრული დაცვით, რიგდება.

ავტორი: NS (სტატია დაფინანსებულია),

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ